Kyun hain hum banna chahte, Kisi purush ke jaisa-Khushboo

Featured Video Play Icon

Adjustments ki ummeed na Karna, modern ho gayi hu me

Bore ho rahi hun,
kathor ho rahi hun
Sochte sochte
kamzor ho rahi hun.

Earn kar rahi hun,
spend kar rahi hun
Time ke Recycle bin
me store ho rahi hun.

Duniya meri badi hi seemit,
khud mein hun vikhyaat si
jhuthi tareefon se khush
apno mein agyaat si.

‘Patience’ naam ka shabd purana
ab kehlata ‘Jhelna’
Pyar, mahobbat, breakup-dhokha
game mujhko ‘Khelna’.

Libral meri generation hai,
accent se mein hun judge karti
swag ab meri pehchan,
Practical mein khud ko kehti.

Self help ki non believer,
cribbing ki ho rahi hun aadi
Feminism ke naam par
bas maang rahi apni aazadi.

Clueless si ho gayi hun mein,
zyada options ki bheed mein
Roop badal raha hai mera,
sophistication ki creed mein.

Potential ke proof me bas
kaam kar rahi hun,
Behtari ke bojh me
subeh sham kar rahi hun.

Adjustments ki ummeed na Karna,
ab modern ho gayi hu me
Kapdon pe na roko toko
Har tark me sahi hun mein.

Booze Kar rahi hun,
abuse kar rahi hun
mard zaat ko equally
use kar rahi hun.

Naari shakti ki baat Kar,
choti si daant par to deti hun
viprit ling k star par aakar
dignity kho deti hun.

Jalan mujhko hone lagti,
mujhse behtar ladki se
gossip karna na chhorti
chote dil ki khidki se.

Soch rahe honge Kuch log,
ye Kaisa kaam Kar rahi Hu
Aurat hoke aurat ko badnaam
kar rahi hu?

Sach toh ye hai ki mujhe garv hai,
uspar jo main hun
mein hun ek insaan,
aur mera bhi hai ek point of view.

Kyun hain hum banna chahte,
Kisi purush k jaisa
kyun vo sab karna chaahein
Jo hai ek badle jaisa.

Waise bhi bhinnata hai,
har insaan ki andar
gar banana hota ek hi jaisa
prakriti fir kyun karti antar.

Isme koi do rai nahi ki naari hai,
ati-vishesh
usme hain kuch adbhud gun jo
bante ja rahe avshesh.

Kyun na rehne de hum khudme,
Jo humko sampurna banata
Jo hota har role me fit,
patni, beti, bahu ya maata.

Shayad hum confused hain,
itna sabkuch hota dekh
auron ki soch se influence hokar
apna sanyam khota dekh.

Choice alag baat hai,
soch alag cheez hai
Soch rakhna bura nahi hai
par har sanyam ki ek dehleez hai.

 

Follow Khushboo and her poems on Instagram 

 

Image source: LovePanky

About Author
Photo ofKhusboo Avtani
Name
Khusboo Avtani
Title
Contributor at Betingle

Leave a Reply

Your email address will not be published. Required fields are marked *

%d bloggers like this: